Madaxweyne Gaas oo ka qeyb galay xafladdii xiritaanka tartanka Qur’aanka gobolada Puntland(Sawiro)

Xafladda Soo xiritaanka tartanka oo ka dhacay gudaha masaajidka Hudda ayaa waxaa sidoo kale kasoo qeyb-galay  Gudoomiyaha Baarlamaanka Puntland Siciid Xassan Shire, Wasiirka Cadaaladda , Diinta iyo Dhaqan celinta Puntland Saalax Xabiib Jaamac, Wasiiro, Xildhibaano, Waxgarad, Aqoonyahan iyo dadweyne kale.

Kadib markii munaasabadii salaada jimce la tukaday ayaa Madaxweynaha Dawladda Puntland Dr. Cabdiweli Maxamed Cali Gaas oo khudbad dhinacyo badan taabanaysa jeediyey waxaa uu  culimada iyo cidkasta oo ka qeyb-qaadatay hirgelinta Tartanka Qur’aanka kariimka ah ku dhiirigeliyey in ay sii laba jibaaraan , waxaana uu waalidiinta dhashay ardaydii ka qeyb-gashay tartanka ku bogaadiyey sida wanaagsan ee ay u badkooda u tarbiyadeeyeen.

” Xafladda aynu isugunimi waa wixii ugu wanaagsanaa uguna kheyrka badnaa ee laysugu yimaado , anagana runtii farxad weyn ayey nootahay inaan ka soo qeyb-galno xaladda qiimaha weyn ku fadhida ” Ayuu yiri Madaxweyne Gaas.

” Waxaan u hambalyeynayaa dhalinyarada ka qeyb-gashay tartanka Qur’aanka kariimka ah , intii guulaysatay ee meesha nala joogta iyo inta kale ee meesha ka maqanba waan u hambalyeynayaa markale waana bogaadin ” Ayuu hadalkiisa sii raaciyey Madaxweynuhu.

” Umadd walba wanaageeda iyo sharafteeda waxaa uu kujiraa sida ay diintooda u xifdiyaan una wanaajiyaan , ka xukuumad ahaana waajib baa naga saaran inaanu difaacno diinteena suuban ” Ayuu yiri Madaxweyne Gaas.

Madaxweynaha Dawladda Puntland Dr. Cabdiweli Maxamed Cali Gaas ayaa shahaado sharafyo iyo abaalmarin ku gudoonsiiyey dhalinyaradii ka kala socday Gobolada Puntland ee ka qeyb-galay Tartanka Qur’aanka kariimka ah , gaar ahaan ku woodii kaalmaha koowaad, Labaad iyo seddexaad galay.

Ugu dambeyn gudiga Tartanka Qur’aanka kariimka ah ee Puntland ayaa Madaxweynaha gudoonsiiyey abaalmarin uu ku mutaystay kaalinta uu ka qaatay qabsoomidda barnaamijkan iyo dhiirigelinta guddiga iyo tartamayaasha, taasoo uu madaxweynaha kaga qayb qaatay tabarucaadkii dhaqaale ee barnaamijkan lagu hirgeliyey.

You may also like...